A ndikon hëna në jetën e njeriut?

Vallë a ka hëna ndikim në sjelljen e njeriut, njashtu në pjellorinë e grave, ngaqë unë jam një student i medicinës dhe kam dëgjuar se hëna ka ndikim në pjellorin e femrës?

Ata që studiojnë trashëgimin e popujve të mëhershme do të vërejnë se ca prej tyre kanë besuar thellësisht në hënë, veçanërisht nëse ajo është e plotë. Duke besuar se hëna ka ndikim negativ në sjelljen e njeriut, kriminalitetit, shkakton konfiskime epileptike njashtu ndikon në pjellorinë e grave etj.

Kjo është vërejtur në disa hulumtime bashkëkohorë ku ca mjekë dhe studiues e mbështesin këtë fenomen dhe e përkrahin me të madhe në studimet dhe hulumtimet e tyre, derisa ka arritur çështja që kjo doktrinë është shndërruar në besim që nuk luan nga vendi dhe bindje që nuk ka dyshim në të.

Mjeku i njohur Hasan Muhamed Sundukxhi - konsulent abdominal dhe kardiolog pranë qendrës “Princ Sulltan” për kardiologji në Riad - i ka ndjek këto studime dhe hulumtime që mbështesin mendimin se hëna ka ndikim në sjelljen e njeriut, i ka cek emrat e tyre, qendrat e tyre shkencore, më pas i ka cekur hulumtimet që e kundërshtojnë këtë mendim, u është përgjigjur të gjitha gabimeve të tyre, duke ua shfaqur të gjitha mangësitë.

Mjeku i njohur Hasan Muhamed Sundukxhi thotë: Dr. Ivan Kelly studiues psikologjik pranë Universitetit “Saskatchewen” në qytetin Saskatoon është zhytur thellë në studimin dhe hulumtimin rreth çështjes së hënës dhe efektet e tij në jetën e njerëzve, ka botuar më shumë se 15 kërkime mjekësore dhe psikologjike për këtë temë, ka lexuar mbi 200 tituj në këtë temë dhe në fund është shprehur sinqerisht për këtë gjë dhe ka thënë: “Mendimi im personal është se pretendimet se gjoja hëna e plotë ka efekt në jetën e njerëzve nuk është e provuar shkencërisht, të gjitha studimet që janë bërë nuk kanë dhënë rezultate të pajtueshme dhe precize”.

Dr. Eric Chdler studiues psikologjik pranë Universitetit “Washington” në “Seattle” në shtetet e Bashkuara ka pyetur: “A është e mundur që ne - si njerëz të shkolluar- të përkrahim idenë se ekziston një forcë misterioze tek hëna që ndikon në ngjarjet e jetës tonë. Ne me vetëdije këtë mit mundohemi ta shtyjmë përpara ngaqë ne në çdo mënyrë dëshirojmë të vërtetojmë se posedon efekt, edhe atë në çdo mënyrë?!

Dr. Scott Brandhorst studiues psikologjik pran “Robert Miura Klinika” si pjesë e fondacionit “Forst” komentoi për këtë çështje duke thënë: “Kjo është nja nga mitet që vazhdon të vijë me forcë të madhe nëpërmjet gjeneratave të njëpasnjëshme, dhe ne –si shoqëri e emancipuar- ende e përdorim hënën e plot për të shpjeguar sjelljen e njerëzve”.

Në dimër të vitit 1986, revista Skeptical Inquirer publikoi raportin e “CSICO” (Instituti shkencor për të hetuar pretendimet e jashtëzakonshme të ngjarjeve) institut i cili shqyrtoi rezultatet e analizave së shumë studimeve shkencore të cilët trajtojnë në faza marrëdhënie e etapave të hënës me jetën e njeriut... ky raport e ceki edhe mendimin e tij mbi arsyet se pse shumë njerëz akoma vazhdojnë të besojnë në efektet e fazave të hënës!

Sipas asaj që është cekur në raport thuhet: “Në 23 studimet e shqyrtuara rezultatet tregojnë: Se pothuajse gjysma –më së paku- posedojnë nga një apo dy gabime, në metodën e kërkimit shkencor apo duke i llogaritur si të sakta gabimet sistematike në kërkim, kthimi në rezultatet origjinale të këtyre studimeve, vërejmë se: “Ne nuk kemi gjetur se ekziston ndonjë qëndrueshmëri dhe lidhshmëri mes etapave të hënës dhe sjelljes jonormale të njerëzve që zakonisht përshkruhet si rezultat i efekteve të hënës mbi ta”.

Shkencëtarët në raportin e tyre thonë: Nëse provat shkencore tregojnë se nuk ka efekte të tilla të dyshuara të hënës përse vazhdon kjo hipotezë “Hëna e plotë” në mes të njerëzve?

U Përgjigjën: “Ekzistojnë tre faktorë që çojnë në vazhdimin e këtij besimi:

1. Niveli i rënies së raporteve të medieve
2. Cektësia mbi njohuritë e lëndës së fizikës natyrore
3. Paragjykimet dhe tendenca e disa specialistëve në psikologji”.

Dr. Hasan Muhamed Sundukxhi përgjigjet në pyetjen tënde në lidhje të ndikimit të hënës në pjellorin e grave dhe thotë: “Nuk ka asnjëfarë ndikimi e as marrëdhënie mes hënës dhe surprizave të shtatëzanisë dhe lindjes së fëmijës.